Адбылася трынаццатая сесія раённага Савета дэпутатаў, на якой разгледжана пытанне «Аб выкананні Нацыянальнай праграмы дэмаграфічнай бяспекі ў раёне». З дакладам выступіў намеснік старшыні раённага Савета дэпутатаў, галоўны ўрач УЗ «Верхнядзвінская ЦРБ» В. У. Галяковіч.
У абмеркаванні даклада прынялі ўдзел дэпутаты раённага Савета А. В. Шыпіла, В. Е. Гладкова, начальнік аддзела адукацыі райвыканкама Н. У. Варановіч, духоўнік каардынацыйнага цэнтра аховы жыцця і сямейных каштоўнасцяў Полацкай епархіі айцец Уладзімір Радзьковіч.
Сесія прыняла Праграму захавання гісторыка-культурнай спадчыны Верхнядзвінскага раёна на 2012-2015 гады, з якой прысутных азнаёміла дэпутат райсавета, начальнік аддзела культуры райвыканкама Т. В. Сыраватнікава.
Разгледжаны іншыя пытанні, па якіх прыняты адпаведныя рашэнні.
Удзел у рабоце сесіі прыняў старшыня раённага выканаўчага камітэта І. І. Марковіч.
Вяла сесію старшыня раённага Савета дэпутатаў І. Ф. Козел.
(Справаздача аб рабоце сесіі будзе надрукавана).
С. АЛЯКСАНДРАВА.
