Барацьба з п’янствам і алкагалізмам з’яўляецца адным з прыярытэтных накірункаў дзейнасці раённых улад.
Днямі старшыня раённага выканаўчага камітэта І. І. Марковіч падпісаў распараджэнне аб правядзенні 4 лістапада «Дня цвярозасці».
У час акцыі будзе забаронены продаж алкагольных, слабаалкагольных напояў і піва ва ўсіх аб’ектах рознічнага гандлю раёна (за выключэннем прадпрыемстваў грамадскага харчавання).
Аддзелу ўнутраных спраў райвыканкама даручана ўзмацніць кантроль за захаваннем законнасці і правапарадку пры правядзенні «Дня цвярозасці».