Народнае — значыць, наша

Духовность

Сапраўднае свята — чацвёрты фестываль народнай творчасці «Збіраем зорны карагод», сабраў аднадумцаў і прыхільнікаў беларускай музыкі і песні ў Валынецкім СДК.

Вакальныя калектывы «Сенькавіца» Сенькаўскага СК, «Калінушка» Шайцераўскага СДК, «Гукі сэрца» Антонаўскага СДК, «Спадчына» Валынецкага СДК, а таксама госці фестывалю — народны вакальны ансамбль «Белая чайка» Азінскага СДК Полацкага раёна парадавалі гледачоў фальклорнымі народнымі матывамі і сучаснымі беларускімі песнямі. У выкананні ўдзельнікаў фестывалю гучалі таксама беларускія народныя песні ў апрацоўцы вядомых музыкантаў Льва Новікава і Віктара Малых. На фестывалі прысутнічалі начальнік аддзела культуры райвыканкама Таццяна Віктараўна Сыраватнікава і метадыст раённага Дома культуры Ірына Уладзіміраўна Пастушэнка. Вядучыя праграмы, настаўніца Валынецкай СШ Вольга Кутузава і студэнт Наваполацкага Дзяржаўнага музычнага каледжа Павел Юхновіч — паказалі гледачам выдатную эрудыцыю і сапраўднае валоданне беларускай мовай. Са сцэны гучалі вершы як класікаў беларускай літаратуры, так і нашага земляка паэта Антона Францавіча Бубалы. Усе калектывы прадэманстравалі сваё майстэрства на самым высокім прафесійным узроўні і падарылі гледачам часцінку душы. Была арганізавана выстава Верхнядзвінскага Дома рамёстваў, працавалі атракцыёны для дзяцей. Культработнікі выказваюць шчырую ўдзячнасць дырэктару ААТ «Прудзінкі» Васілю Аляксеевічу Красніку за фінансавую падтрымку фестываля.

Наш кар.



Добавить комментарий

Ваш e-mail не будет опубликован. Обязательные поля помечены *