З 16 па 21 лютага традыцыйна праходзіць Тыдзень роднай мовы. 21 лютага — дзень роднай мовы.
Гэта дата мае міжнародны статус. Галоўная яе мэта – захаванне моўнай і культурнай разнастайнасці ў свеце, падтрыманне нацыянальных моў і культур, а таксама забеспячэнне права кожнага грамадзяніна карыстацца роднай мовай.
Мова вылучае нас у сусветнай супольнасці і з’яўляецца магутным падмуркам, які захоўвае беларусаў як адзіную нацыю. Напрацягу Тыдня, а таксама ў рамках праекту “Кожная пятніца – роднае сваё”, які дапамагае папулярызаваць айчынных вытворцаў, брэнды і нашу родную культуру – музыку, беларускую мову і традыцыі, мы будзем рознымі спосабамі прызнавацца ў каханні роднай мове, роднай зямлі.
