Верхнядзвінскі масласырзавод адкрыў фірменны магазін для сельскіх жыхароў

Актуально Жизнь сельских Советов

У аграгарадку Бігосава адкрыўся фірменны магазін
ААТ “Верхнядзвінскі масласырзавод”.

IMG_2553 копия

Для жыхароў прыгранічнага пасёлка адкрыццё новага фірменнага магазіна стала сапраўдным навагоднім падарункам. Нельга сказаць, што яны былі абдзелены гандлёвымі пунктамі: тут працавалі магазіны райпо, прыватныя прадпрымальнікі, ды і аўтамагазін масласырзавода рэгулярна наведваўся са сваёй прадукцыяй. Менавіта апошні фактар і падказаў спецыялістам малочнага прадпрыемства, што ёсць сэнс пашырыць гандаль. Мяркуючы па чэргам і попыту, выручка ў Бігосава абяцала быць больш істотнай. І заводцы ўзяліся рэалізоўваць задуму.

Прадаўцы магазіна (злева направа) Ганна Паланейчык, Юлія Падалевіч,  Марына Лутохіна, Юлія Макарава.
Прадаўцы магазіна (злева направа) Ганна Паланейчык, Юлія Падалевіч, Марына Лутохіна, Юлія Макарава.

Арэндавалі памяшканне пад магазін у ААТ “Інвет” у самым ажыўленым месцы аграгарадка, дзе размешчаны жылы квартал работнікаў бігосаўскага прадпрыемства і ведамасны інтэрнат. З дапамогай ААТ «Інвет» адрамантавалі яго, пашырылі, зрабілі зручным і для пакупнікоў, і для персаналу. Толькі гандлёвая зала размясцілася больш чым на 100 квадратных метрах. Абсталяваны неабходныя падсобныя памяшканні.

IMG_2572 копия
Гаспадары ўстанавілі ў магазіне сучаснае гандлёвае абсталяванне, халадзільныя камеры, зручныя вітрыны. Вырашылі, што магазін адназначна будзе працаваць па метаду самаабслугоўвання — гэта найбольш прыдатны для пакупнікоў варыянт, які дае значна большы ўзровень продажаў.

Падчас адкрыцця магазіна гаспадары прапанавалі наведвальнікам забаўляльную праграму.
Падчас адкрыцця магазіна гаспадары прапанавалі наведвальнікам забаўляльную праграму.

Асаблівую ўвагу надалі асартыменту і цэнам. У фірменным магазіне можна купіць як уласныя вырабы верхнядзвінскага прадпрыемства пад вядомымі маркамі “Ян сыродел” і “Ульянка”, так і практычна ўсе іншыя віды харчовай прадукцыі: мяса-малочную, рыбную, хлеба-булачную, бакалею, кандытарскія вырабы, садавіну і гародніну, спіртныя і безалкагольныя напіткі, паўфабрыкаты і многае іншае. Сюды дастаўляюцца і гатовыя фірменныя стравы свайго кафэ “Со вкусом”. Асабліва ж шырока прадстаўлена прадукцыя Віцебскага мясамалпрама і іншых галіновых прадпрыемстваў рэспублікі, якая заваявала папулярнасць як у мясцовых спажыўцоў, так і гасцей нашай краіны.
Што датычыць цэн, то спецыялісты масласырзавода заўсёды ўважліва адсочваюць іх у канкурэнтаў і стараюцца прывабіць пакупнікоў выгад-нымі прапановамі. Бясспрэчна, што людзі хутка параўнаюць цэннікі і аддадуць перавагу больш даступным.

Далей чытайце ў «ДП».



Добавить комментарий

Ваш адрес email не будет опубликован. Обязательные поля помечены *